15
لە دوای تێپەڕبوونی زیاتر لە هەفتەیەک لە دەستبەسەرکردنی دوو هاوڵاتیی خەڵکی پیرانشار بە ناوەکانی مەحیەدین مەعروفنیا و کوڕەکەی بێهنام مەعروفنیا، چارەنووسیان هێشتا نادیارە.
بەپێی ڕاپۆرتێی گەیشتوو، سەرەڕای بەدواداچوونی بەردەوامی بنەماڵەکەیان، دام و دەزگا ئەمنییەکان لە دانی هەر جۆرە وەڵامێک سەبارەت بە شوێنی ڕاگرتن و دۆخی تەندروستی ئەم دوو هاوڵاتییە خۆیان دەبۆێرن. ئەم باوک و کوڕە، هەفتەی ڕابردوو بە بێ بەڵگە و بڕیاری دادگا لەلایەن هێزە ئەمنییەکانەوە دەستبەسەر کراون و لەو کاتەوە هەتا ئێستا لە مافی دەستڕاگەیشتن بە پارێزەر و چاوپێکەوتنی بنەماڵەکەیان بێبەش کراون. شایانی باسه هەتا کاتی ئامادەکردنی ئەم هەواڵە، هیچ زانیارییەکی ڕوون لەسەر هۆکاری دەستبەسەرکردن و ئەو تۆمەتانەی خراوەتە پاڵیان لەبەردەستدا نییە.
