11
بەپێی هەواڵی گەیشتوو، شەهرزاد زەمیری، جێگری پێشووی پۆلیسی فەتا لە پارێزگای خوراسان ڕەزەوی، کە لە ناڕەزایەتییەکانی بەفرانباری ١٤٠٤ دەستبەسەر کراوە، هێشتا لە زیندانی وەکیل ئابادی مەشهەد ڕاگیراوە و هیچ زانیارییەکی ڕوون سەبارەت بە دۆخی یاسایی و چارەنووسی لە بەردەستدا نییە.
بەپێی ڕاپۆرتەکان، ناوبراو لە بەفرانباری ١٤٠٤ دەستبەسەر و بۆ ماوەی ٤٣ ڕۆژ لە ژووری تاکەکەسی ڕاگیراوە و هەروەها لە سەرەتای جۆزەردانی ١٤٠٥ بەدواوە لە مافی پەیوەندی و چاوپێکەوتن لەگەڵ بنەماڵەکەی بێبەش کاوە. شایانی باسە کە ئەو بەندکراوە، بە هۆی پشتیوانی لە ناڕەزایەتییەکانی خەڵک لە مانگی بەفرانباری ١٤٠٤ی هەتاوی، لە لایەن هێزە ئەمنیەکانی کۆماری ئیسلامییەوە دەستبەسەر و تا ئێستا هیچ ڕوونکردنەوەیەک سەبارەت بە ئەو تۆمەتانەی کە خراوەتە پاڵی، بڵاو نەکراوەتەوە.
