ڕۆژی پێنجشەممە ٢٨ی ڕەشەمە، لە درێژەی فشارە ئەمنییەکاندا، ژمارەیەک لە هاووڵاتیان لە ناوچە جیاوازەکانی ئێران دەستبەسەر کراون و کەسێکیش کوژراوە.
بەپێی ڕاپۆرتەکان، لە پارێزگای سیستان و بەلوچستان ١٧ کەس دەستبەسەر کراون و کەسێک بە ناوی نێعمەتوڵڵا شەهبەخش بە تەقەی هێزەکانی ڕژیم گیانی لە دەستداوە. هەروەها لە قوم و ورمێ پێنج کەسی دیکەش بە تۆمەتی “تێکدانی ئەمنیەتی وڵات” دەستبەسەر و ڕەوانەی شوێنێکی نادیار کراون. بەپێی دوایین زانیارییەکان، هێزە ئەمنییەکان و دەزگا ئەمنیەکانی ڕژیم لە ئەنجامدانی ئەم ئۆپەراسیۆنانەدا بەشداریان کردووە و زانیارییەکی ورد سەبارەت بە شوێنی ڕاگرتنی دەستبەسەرکراوان بڵاو نەکراوەتەوە.