بەپێی دوایین هەواڵەکان، لە ماوەی چەند ڕۆژی ڕابردوودا بە سەدان پێگەی هێزەکانی حیزوڵڵای لوبنان لە لایەن هێزی ئاسمانی ئەرتەشی ئیسرائیلەوە بە توندی کراوەتە ئامانج.
بەپێی دوایین زانیارییەکان، لانکیەم دەیان پێگەی هاوێشتنی مووشەک و هەروەها ٢٥٠٠ ئامانجی دیکەی پەیوەندیدار بە حیزبوڵڵای لوبنان لە باشووری ئەو وڵاتە لە لایەن هێزی ئاسمانی ئەرتەشی ئیسرائیلەوە کراوەتە ئامانج. بە وتەی گوتەبێژی ئەرتەشی ئیسرائیل، هێرشەکان لە ڕۆژانی داهاتوودا بەردەوام دەبێت و هەروەها بە ڕێژەیەکی زۆرتر هێزە زەمینییەکانیان دەچنە نێو خاکی لوبنانەوە.