ڕۆژی هەینی ١١ی گوڵانی ١٤٠٥ی هەتاوی، کۆمەڵێک لە چالاکانی مەدەنی و کرێکاری، لە مەراسمێکدا ڕۆژی جیهانی کرێکاریان بەرز ڕاگرت.
بەپێی ڕاپۆرتی گەیشتوو، مەراسمەکە سەرەتا بە یەک خولەک بێدەنگی بۆ یادی هەموو هاووڕییانی گیانبەختکردووی ڕێگای ئازادی و بەرابەری دەستیپێکرد و لە درێژەی مەراسمەکەدا سەبارەت بە بارودۆخی سیاسی و کۆمەڵایەتی پاش هێرشەکانی ئەمریکا و ئیسرائیل بۆ سەر پێگەکانی ڕژیمی کۆماری ئیسلامی کە بە سەر ئێراندا سەپێندراوە، وتووێژیان کردووە. بەم شێوەیە وەک هەموو ساڵێکی دیکە چینی کرێکار و ستەملێکراوی کۆمەڵگا لە شاری بانە، بە بەڕێوەبردنی مەراسمی ڕۆژی جیهانی کرێکار،ئەم نەریتەیان زیندوو هێشتەوە.