بەیاننامەی ئەنجومەنی سەوزی چیای مەریوان سەبارەت بە شەهیدانی ژینگەی پاوە

ئەنجومەنی سەوزی چیای مەریوان لە بەیاننامەیەکدا، گیانلەدەستدانی ژمارەیەک ژینگە پارێز لە پاوەی بە توندی ئیدانە کرد و جەختی لەسەر گرنگی پاراستنی ژینگە و پارێزەرانی سروشت کردەوە.

لە بەیاننامەکەدا ئاماژە بەوە کراوە کە گیانبەختکردنی ئەم چالاکانە بەشێکە لە قوربانییە بەردەوامەکانی خەڵکی کوردستان بۆ پاراستنی سروشت و دارستانەکان. ئەنجومەنی سەوزی چیای مەریوان جەختی لە سەر ئەوە کردووەتە کە نەبوونی ئامراز و پشتگیریی پێویست بۆ کوژاندنەوەی ئاگر و پاراستنی ناوچە سەوزەکان، هۆکارێکی سەرەکیی زیادبوونی قوربانییەکانە. هەروەها داوایان لە دامەزراوە پەیوەندیدارەکان کردووە کە بەرپرسیارییەتی ئەم کارەساتانە لە ئەستۆ بگرن و  هەنگاوی خێرا بۆ پاراستنی ژینگە و پشتیوانی لە چالاکانی ئەو بوارە هەڵبگرن.