5
ڕۆژی شه‌ممه ٩ی خاكه‌لێوه‌ی ١٤٠٤، ئێرانیانی ئازادیخواز له وڵاته‌كانی سوید و ئاڵمان دژ به كۆماری ئیسلامی خۆپێشاندانیان كرد و خوازیاری ڕاگرتنی سزای سێداره بوون.
به‌پێی ڕاپۆرته‌كان، ئێرانیانی ئازادیخواز له شاره‌كانی موونیخ، فڕانكفۆرت، هامبوورگ و گۆتنبێرگ به به‌ده‌سته‌وه‌گرتنی وێنه‌ی به‌ندكراوانی مه‌حكووم به ئێعدام، دژ به كۆماری ئیسلامی دروشمیان به‌رز كردووه‌ته‌وه و خوازیاری هه‌ڵوه‌شانه‌وه‌ی حوكمی ئێعدامی په‌خشان عه‌زیزی، وریشه مورادی، شه‌ریفه محه‌ممه‌دی، پژمان سوڵتانی، بێهرووز ئێحسانی ئیسلاملوو، مێهدی حه‌سه‌نی، مه‌نووچێهر فه‌لاح و موجاهد كوركور بوون. به‌شداربووانی ئه‌و چالاكییانه داوایان له كۆمه‌ڵگای جیهانی كرد به مه‌به‌ستی ئازادی هه‌موو به‌ندكراوانی سیاسی، گوشاره‌كانیان بۆ سه‌ر كۆماری ئیسلامی زیاد بكه‌ن.
