درێژەی هێرشەکانی ڕژیمی کۆماری ئیسلامی بۆ سەر حیزبەکانی ڕۆژهەڵاتی کوردستان

بەپێی دوایین هەواڵەکان، بنکە و بارەگاکانی حیزبەکانی ڕۆژهەڵاتی کوردستان لە لایەن ڕژیمی کۆماری ئیسلامییەوە بە چەندین درۆنی ئینتحاری و مووشەکی مامناوەند بە ئامانج گیراون.
بەپێی دوایین ڕاپۆرتەکان، بارگاکانی حیزبەکانی کۆمەڵەی زەحمەتکێشانی کوردستانی ئێران، پارتی ئازادی کوردستان و کۆمەڵەی شۆڕشگێرانی زەحمەتکێشانی کوردستانی ئێران، لە ناوچەکانی ئالانە، بالیسان، پاکشار و زڕگوێزەڵە، لە لایەن ڕژیمی جەنایەتکاری کۆماری ئیسلامییەوە بە ئامانج گیراون. شایانی باسە کە تا کاتی داڕشتنی ئەم هەواڵە سەبارەت بە ڕادەی زیانەکان و ئەگەری زیانە گیانییەکان زانیارییەک بە دەستمان نەگەیشتووە.