درێژەی گوشارەکانی کۆماری ئیسلامی بۆ سەر چالاکانی چالاکانی مەدەنی لە ئێران

بەپێی دوایین زانیارییەکان، لانیکەم سێ چالاکی مەدەنی خەڵکی لە شارەکانی مشگین شەهر و ئەردەبیل دەستبەسەر کراون.

ڕاپۆرتەکان ئاماژە بەوە دەکەن کە ئەو سێ چالاکوانە بە ناوەکانی “سیامەک میرزایی، عەسگەر ئەکبەرزادە و عەلی واسقی”، لە لایەن هێزە ئەمنیەکانی ڕژیمەوە دەستبەسەر و لە مافی چاوپێکەوتن لەگەڵ بنەماڵەکانیان بێبەش کراون. شایانی باسە کە ڕێکخراوەکان و چالاکانی مافی مرۆڤ، سەبارەت بە بەرزبوونەوەی بەرچاوی ڕێژەی گوشاری ناوەندە ئەمنیەکانی کۆماری ئیسلامی بۆ سەر چالاکانی مەدەنی هوشداری جددیان داوە و داوایان لە کۆمەڵگای نێودەوڵەتی کردووە سەبارەت بە پێشێلکردنی مافی مرۆڤ لە ئێران، هەڵوێستی بە کردەوەیان هەبێت.