به‌پێی ئه‌و ویدیۆیانه‌ی به ده‌ستمان گه‌یشتووه، خه‌ڵكی ئازادیخواز له شاره‌كانی كوردستان و ئێران به بۆنه‌ی كوژرانی ئیبراهیم ڕه‌ئیسی و شاندی یاوه‌ری له ڕووداوی كه‌وتنه‌خواره‌وه‌ی هێلیكۆپته‌ر له ئوستانی ئازه‌ربایجانی شه‌رقی شایی و خۆشیان ده‌ربڕیوه.
خه‌ڵكی شۆڕشگێڕی شاری سه‌قز و شاره‌كانی دیكه‌ی ئێران به ده‌ربڕینی خۆشی ڕایانگه‌یاند كه ئه‌وانه‌ی جه‌نایه‌تیان له حه‌ق خه‌ڵكی ئازادیخواز و بێ تاوان كردووه ڕۆژێك ئه‌بێت تاوانی كاره‌كانیان بده‌نه‌وه، هه‌ر چه‌ند ویستی خه‌ڵك ئه‌وه بووه كه جه‌نایه‌تكاران ڕۆژێك له دادگایه‌كی گشتی محاكمه بكرێن، به‌ڵام مردنی هه‌ر یه‌ك له به‌رپرسانی ئه‌و ڕژیمه جێی خۆشییه و هیواداران به‌رپرسانی گه‌نده‌ڵی كۆماری ئیسلامی یه‌ك به یه‌ك تاوانی سه‌ركوتگه‌رییه‌كانیان بده‌نه‌وه.