9
مامۆستا لوقمان ئەمینی، ئیمام جومعەی مزگەوتی چواریاری نەبیی له شاری سنە، ڕۆژی دووشەممە ١ی گوڵان، دوای بانگكران بۆ دادگای ڕۆحانیەتی هەمەدان دەستبەسەر و بۆ شوێنێکی نادیار ڕاگوێزرا.
مامۆستا لوقمان ئه‌مینی له سه‌رده‌می شۆڕشی ژینا پاڵپشتی له خۆپێشانده‌ران كرد و دوای ده‌ستبه‌سه‌ركران له‌لایه‌ن هێزه ئه‌منیه‌تیه‌كانه‌وه، دادگایی و به ١١ ساڵ زیندان و وه‌رگرتنه‌وه‌ی جلوبه‌رگی ئایینی، هه‌روه‌ها دوورخستنه‌وه بۆ شاری ئه‌رده‌بیل مه‌حكووم كرا. ڕۆژی دووشه‌ممه ئه‌و كه‌سایه‌تیه ئایینیه بۆ جارێكی دیكه ده‌ستبه‌سه‌ر و بنه‌ماڵه‌كه‌ی نیگه‌رانی دۆخی ته‌ندرووستی ناوبراون.
