رۆژی چوارشەممە 22ی ڕەزبەر، هاووڵاتییەک پاش ئامادەبوون لە یەکێک لە بنکە ئەمنییەکانی شاری پیرانشار دەستبەسەر و ڕەوانەی شوێنێکی نادیار کراوە.
ئەو هاووڵاتییە بە ناوی “ئەحمەد مۆستەفا نەژاد” تەمەن 40 ساڵ و خەڵکی پیرانشار، رۆژی چوارشەممە پاش بانگهێشتکرانی بۆ بنکەی ئیتلاعاتی سپای پاسداران و ئامادەبوون لەو شوێنە دەستبەسەر و ڕەوانەی شوێنێکی نادیار کراوە. شایانی باسە کە تا کاتی ئامادە کردنی ئەم هەواڵە، هیچ زانیارییەک سەبارەت بە شوێنی ڕاگرتن، هۆکاری دەستبەسەرکران و ئەو تۆمەتانەی کە خراونەتە پاڵی لەبەردەستدا نیە.