6
ڕۆژی پێنجشەممە ٢١ی جۆزەردانی ١٤٠٥ی هەتاوی، هاووڵاتییەکی کورد بە ناوی “ئێرشاد ئەحمەدی” خەڵکی شاری ڕەوانسەر، لە لایەن هێزە ئەمنییەکانی ڕژیمی کۆماری ئیسلامییەوە دەستبەسەر و بۆ شوێنێکی نادیار گواسترایەوە.
بە پێی دوایین زانیارییەکان، ناوبراو بە هێرشی هێزەکانی ئیدارەی ئیتلاعاتی ڕژیم بۆ سەر ماڵەکەی دەستبەسەر و ڕەوانەی گرتووخانەکانی ناوەندە ئەمنیەکان کراوە. شایانی باسە کە سەرەڕای پشکنینی ماڵەکەی و دەستبەسەردا گرتنی ژمارەیەک لە کەلوپەلە تایبەتەکانی لە لایەن هێزەکانی ڕژیمەوە، تا کاتی داڕشتنی ئەم هەواڵە، زانیارییەک سەبارەت بە دۆخی تەندروستی و هەروەها ئەو تۆمەتانەی کە خراوەتە پاڵی لە بەردەستدا نییە.
