لە ڕۆژانی ڕابردوودا، دوو لاوی بەلووچ لە چابەهار لەلایەن هێزە ئەمنییەکانەوە دەستبەسەر کران و بۆ شوێنێکی نادیار گوازرانەوە. ئەو دوو هاووڵاتییە بە ناوەکانی «بنیامین بەلووچ» و «مورتەزا سازواری» کە هەردووکیان تەمەنیان ١٨ ساڵە، لە کاتی پەلاماری هێزە ئەمنییەکان بۆ سەر ماڵەکانیان بە توندوتیژییەوە دەستبەسەر کراون. تا کاتی ئامادەکردنی ئەم هەواڵە، هیچ زانیارییەک سەبارەت بە دۆخی تەندروستی و ئەو تۆمەتانەی دراونەتە پاڵیان لەبەر دەستدا نییە.