105
ڕۆژی چوارشەممە ٤ی ڕەزبەری ١٤٠٣، سێ هاووڵاتیی بە ناوەکانی “سروە شیری” تەمەن ٢٢ ساڵ، “پەیمان شیری” تەمەن ١٩ ساڵ و “فەردین شیری” خەڵکی گوندی “تەرەغە“ی سەر بە شاری بۆکان، لەلایەن هێزە ئەمنییەتییەکانەوە دەستبەسەر کران.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی هێرشیان کردووەتە سەر گوندی “تەرەغە” و ئەو سێ هاووڵاتییەیان دەستبەسەر و بە مەبەستی لێپرسینەوە بۆ یەکێک لە گرتووخانه ئەمنییەتییەکانی شاری ورمێ گواستووهتهوه. شایانی باسه كه سروە شیری و پەیمان شیری خوشک و برای یەکن و فەردین شیری ئامۆزایانە. هەتا کاتی بڵاوبوونەوەی ئەم هەواڵە، زانیارییهك له سهر هۆکاری دەستبەسەرکران و ئهو تۆمەتانهی خراوهته پاڵ دۆسیهكهیان لهبهردهست دا نییه.
