لە ڕۆژانی ڕابردوودا لە درێژەی کەشی توندی ئەمنی لە شارە جیاوازەکانی ئێران، چەندین هاووڵاتی لە لایەن هێزەکانی ڕژیمەوە دەستبەسەر و ڕەوانەی شوێنێکی نادیار کراون.
بەپێی ڕاپۆرتەکان، لە شارەکانی تاران، کازرون و زاهدان و هەروەها لە پارێزگاکانی ئەلبورز و خوزستان، سەدان کەس بە تۆمەتی ناردنی وێنە و زانیاری بۆ میدیای دەرەوە یان “سیخۆڕی” دەستبەسەر کراون. هەروەها وەزارەتی ئیتلاعات ڕایگەیاندووە کە لە سیستان و بەلوچستان ١٣ کەس دەستبەسەر و یەک کەسیش گیانی لە دەستداوە. سەرچاوەکان ئاماژە بەوە دەکەن کە زۆربەی دەستبەسەرکراوان بۆ شوێنە نادیارەکان گواستراونەتەوە و زانیارییەکی ورد سەبارەت بە دۆخیان نییە.