ڕۆژی ڕابردوو، “مۆنا دەباغ“، هاووڵاتیی خەڵکی شاری سنە و مامۆستای زمانی ئینگلیزی، پاش ئامادەبوون لە یەکێک لە لقەکانی دادگای سنە، دەستبەسەر کرا و ڕەوانەی بەشی ژنانی گرتووخانەی سنە کرا.
ناوبراو ڕێکەوتی ٩ی گوڵان لە لایەن هێزە ئەمنییەکانی ڕژێمەوە لە شوێنی کارەکەی دەستبەسەر کرا و پاش ماوەیەک لە لایەن لقی یەکەمی دادگای سنەوە، بە تۆمەتی “چالاکیی پڕوپاگەندەیی بۆ وڵاتانی دژبەری ڕژێم” سزای ٤ ساڵ و ٦ مانگ بەندکردنی بەسەردا سەپێندرا.