ڕاپۆرتەکان باس لە دەستگیرکردنی چەند هاووڵاتییەک لە تاران دەکەن بە تۆمەتی پەیوەندی لەگەڵ میدیاکانی دەرەوەی وڵات و بڵاوکردنەوەی ڤیدیۆی دانپێدانانی هەندێکیان.
لەو ڕاپۆرتەدا هاتووە کە ئەم کەسانە بە “پەیوەندی لەگەڵ میدیاکانی جێگیر لە دەرەوەی وڵات” تۆمەتبار کراون و لەلایەن پۆلیسی ئەمنی ڕۆژئاوای پارێزگای تارانەوە دەستگیرکراون و دوای پێکهێنانی دۆسیە، ڕادەستی لایەنە دادوەرییەکانی ڕژێم کراون. هەروەها ڤیدیۆی دانپێدانانی زۆرەملێی لانیکەم سێ کەس لەو کەسانە بڵاوکراوەتەوە. ناسنامەی دەستگیرکراوەکان، کاتی وردی دەستگیرکردن و شوێنی ڕاگرتنیان لەم ڕاپۆرتانەدا ئاماژەی پێ نەکراوە.