ڕێکخراوی لێبوردنی نێودەوڵەتی ڕایگەیاند، زیاتر لە هەزار کاتژمێرە خەڵکی ئێران بێ ئینتەرنێتن.
ڕێکخراوی لێبوردنی نێودەوڵەتیی جەختی لەوە کردەوە کە دەستڕاگەیشتن بە ئینتەرنێت مافێکی بنەڕەتیی مرۆڤە و لە کاتی شەڕ و ئاڵۆزییەکاندا پێویستییەکی حاشاهەڵنەگرە، هەربۆیە داوا لە دەسەڵاتداران دەکات دەستبەجێ هێڵەکانی ئینتەرنێت بگەڕێننەوە. ئەوە لە کاتێکدایە کە زیاتر لە ٤٠ ڕۆژە شەڕی نێوان ئەمریکا–ئیسرائیل لەگەڵ ئێران دەستی پێکردووە و بە درێژایی ئەم ماوەیە هێڵەکانی ئینتەرنێت لە سەرانسەری ئێراندا بڕاون.