به‌پێی هه‌واڵی گه‌یشتوو، پاش ده ڕۆژ مانگرتن، یه‌كگرتوویی كرێكارانی شاغڵ له كوره‌خانه‌كانی ساروقامیش خاوه‌نكاری ناچار كردووه هه‌موو داخوازییه‌كانی كرێكاران جێبه‌جێ بكات.
به وته‌ی سه‌رچاوه‌كانی هه‌واڵ، داخوازییه‌كانی كرێكاران بریتی بووه له: ١– دابینكردنی ئاوی خواردنه‌وه‌ی ته‌ندرووست له شوێنه‌كانی كار و پشوودان. ٢– په‌رداختی حه‌قده‌ستی ١٥ ملیۆن تمه‌نی ئه‌و ده ڕۆژه‌ی بێكار بوون. ٣– پێدانی یارمه‌تی یه‌ك ملیۆن تمه‌نی بۆ هه‌ر حه‌فته. ٤– په‌رداختی مابه‌ته‌فاوه‌تی نرخی پێشوو و تازه‌ی حه‌قده‌سته‌كان كه به ته‌واوی له‌لایه‌ن خاونكاره‌وه جێبه‌جێ كراوه.