سەپاندنی حوکمی سێدارە بە سەر هاووڵاتییەکی دەستبەسەرکراو لە ڕەوتی ناڕەزایەتییەکانی مانگی بەفرانبار

بەپێی ڕاپۆرتی گەیشتوو، هاووڵاتییەکی دەستبەسەرکراو لە ڕەوتی ناڕەزایەتییەکانی مانگی بەفرانبار و خەڵکی شاری مەشهەد، لە لایەن دەزگای قەزایی ڕژیمەوە حوکمی سێدارەی بەسەردا سەپێندراوە.

بە وتەی سەرچاوەکانی هەواڵ، ئەو هاووڵاتییە بە ناوی “ئیبراهیم دەوڵەت ئابادی” بە تۆمەتی “موحاربە” لە لایەن دەزگای قەزایی ڕژیمەوە حوکمی سێدارەی بەسەردا سەپێندراوە و ڕێکەوتی ٧ی گوڵان، حوکمەکەی پێ ڕاگەیندراوە. جێگای ئاماژەیە کە ئەو هاووڵاتییە هاوکات لەگەڵ دوو برا و کوڕەکەی لە لایەن هێزە سەرکوتگەرەکانی ڕژیمەوە دەستبەسەرکرا، کە پاشان ئەندامانی دیکەی بنەماڵەکەی ئازاد کراون.