بەهۆی هێرشەکانی بەیانی ڕۆژی ڕابردوو، دامەزراوەی ئاو خاوێنکەرەوەی گوندی بونجی لە ڕۆژئاوای شارستانی جاسک بە تەواوی لە ناو چووە و دابینکردنی ئاوی خواردن بۆ نزیکەی ١٠ هەزار کەس لە ٢٠ گوندی ناوچەکە تووشی کێشە بووە.
بەوتەی عەبدولحەمید حەمزەپور، بەڕێوەبەری گشتی شیرکەتی ئاو و ئاوەڕۆی پارێزگای هۆرمۆزگان، دامەزراوەی ئاو خاوێنکەرەوەی گوندی بونجی، کە لە ڕۆژئاوای شارستانی جاسک هەڵکەوتووە، لە ئەنجامی هێرشەکانی بەرەبەیانی ڕۆژی ڕابردوودا بە تەواوی لە ناو چووە. بە وتەی ناوبراو، پاش ئەم ڕووداوە دابینکردنی ئاوی خواردن بۆ ٢٠ گوندی ڕۆژئاوای شارستانی جاسک، کە نزیکەی ١٠ هەزار دانیشتووی هەیە، تووشی کێشە بووە.