كۆبوونه‌وه‌ی خانه‌نشینكراوانی سه‌نعه‌تی نه‌وت له‌ ئه‌هواز

ڕۆژی سێشه‌ممه‌ ١٩ی خاكه‌لێوه‌، خانه‌نشینكراوانی سه‌نعه‌تی نه‌وت له‌ خووزستان، دژ به‌ دۆخی خراپی مه‌عیشه‌تی له‌به‌رده‌م سندووقی خانه‌نشینی شاری ئه‌هواز كۆبوونه‌وه‌.

خانه‌نشینكراوانی ناڕازی به‌ به‌ده‌سته‌وه‌گرتنی پلاكارد خوازیاری زیادكردنی حه‌قده‌ست به‌پێی ڕێژه‌ی هه‌ڵاوسان، دابینكردنی بیمه‌ی ده‌رمانی كارامه‌، به‌كرده‌وه‌ده‌رهاتنی گه‌ڵاڵه‌ی هاوسانسازی و هه‌ڵوه‌شانه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.