ڕۆژی ڕابردوو، كۆمه‌ڵێك له كرێكارانی خزمه‌تگوزارییه گشتییه‌كانی شارۆچكه‌ی سه‌نعه‌تی “شوش” سه‌ر به پارێزگای خوزستان، دژ به كه‌مبوونی حه‌قده‌سته‌كانیان كۆبوونه‌وه.
كرێكارانی ناڕازی له كۆبوونه‌وه‌كه‌دا به وتنه‌وه‌ی درووشم دژ به كه‌مته‌رخه‌می و ناكارامه‌یی به‌رپرسانی ڕژیم، خوازیاری به‌رز كردنه‌وه‌ی ئاستی حه‌قده‌ست به پێی ڕێژه‌ی هه‌ڵاوسان، دابین كردنی بیمه‌ی ده‌رمانی كارامه، ته‌زمینی ئه‌منیه‌تی پیشه‌یی، پێدانی حه‌قده‌ست و مه‌زایا دواخراوه‌كان و هه‌روه‌ها كه‌م كردنه‌وه‌ی ساعه‌تی كار بوون.