7
ڕۆژی چوارشه‌ممه ١٢ی گوڵان، هاوكات له‌گه‌ڵ ڕۆژی جیهانی كرێكار كۆمه‌ڵێك له كرێكارانی شاغڵ له شیركه‌تی نه‌یشه‌كه‌ری حه‌وت ته‌په كۆبوونه‌وه.
به‌شداربووانی ئه‌و مه‌راسمه وێڕای شه‌رمه‌زاركردنی هه‌ڵسووكه‌وتی حكوومه‌ت له ئاست كرێكاران و ژنانی كۆمه‌ڵگا، ده‌قی داخوازیی كرێكارانیان له قه‌تعنامه‌یه‌كدا خوێنده‌وه و “ئیبراهیم عه‌باسی مه‌نجه‌زی” نوێنه‌ری كرێكارانی حه‌وت ته‌په، له سه‌ر باروودۆخی كرێكاران و بایه‌خ نه‌دانی ده‌وڵه‌ت به كێشه و گرفته‌كان قسه و باسێكی پێشكه‌ش به ئاماده‌بووان كرد. كرێكارانی ناڕازی خوازیاری گه‌ڕانه‌وه‌ی “ئیسماعیل به‌خشی” بۆ سه‌ر كار، ئازادی هه‌موو زیندانیانی سیاسی، چالاكانی سنفی و كرێكاری، هه‌روه‌ها چاكسازی له ژیان و مه‌عیشه‌تیان بوون.
