ڕۆژی ڕابردوو، بەندکراوێکی سیاسی و لە دەستبەسەرکراوانی ڕەوتی ناڕەزایەتییەکانی مانگی بەفرانباری ساڵی ڕابردوو، لە لایەن دەزگای قەزایی ڕژیمی جەنایەتکارەوە لەسێدارە دراوە.
بەپێی دوایین هەواڵەکان، ئەو هاووڵاتییە بە ناوی “محەممەد عەباسی” لە لایەن دەزگای قەزایی ڕژیمی کۆماری ئیسلامییەوە، بە تۆمەتی “موحاربە” حوکمی سێدارەی بەسەردا سەپێندرابوو. شایانی باسە کە ناوبراو لە سەرەتای دەستبەسەرکرانییەوە، لە مافی پەیوەندی و چاوپێکەوتن لەگەڵ بنەماڵەکەی بێبەش کرابوو و هەروەها بە بێ ئاگاداری بنەماڵەکەی حوکمەکەی بەڕێوەچووە.