لە ڕۆژانی ڕابردوودا، دوو بەندکراو لە زیندانی دیزڵئابادی کرماشان و بەندکراوێکی دیکە لە زیندانی ماهشەهر، لە لایەن دەزگای قەزایی کۆماری ئیسلامییەوە لەسێدارە دران.
بەپێی ڕاپۆرتی ڕێکخراوەکانی مافی مرۆڤ، بەیانی سێشەممە ١٩ی جۆزەردانی ١٤٠٥ی هەتاوی، “عەباس زارعی و داریوش قوبادی” لە زیندانی دیزڵئابادی کرماشان لەسێدارە دراون. عەباس زارعی خەڵکی گوندی سەرین لە ناوچەی فیروزئابادی کرماشان بوو و پێشتر بە تۆمەتی کوشتنی بە شەنقەست دەستبەسەر و حوکمی سێدارەی بەسەردا سەپێندرابوو. هەروەها داریوش قوبادی، خەڵکی هەرسین و لە ساڵی ١٤٠٣ بە هەمان تۆمەت دەستبەسەر کرابوو. هاوکات بەیانی دووشەممە ١٨ی جۆزەردان، “ئیبراهیم مودەت‌زادە” لە زیندانی ماهشەهر بە تۆمەتی “پەیوەندیدار بە ماددە هۆشبەرەکان” لە لایەن دەزگای قەزایی ڕژیمەوە ئێعدام کراوە.