18
ڕۆژانی یەکشەممە و دووشەممە، ٢٧ و ٢٨ خەزەڵوەری ١٤٠٣، چوار بەندکراو لە زیندانه‌كانی زەنجان، خۆڕەم ئاوا، کەهنووج و بەندەرعەباس له‌سێداره داراون.
بە پێی ڕاپۆرتەکان، لە بەندیخانەی زەنجان بەندکراوێک بە ناوی “فەرەج سەرمەدی” تەمەن ٣٢ ساڵ، بە تۆمەتی “دەستدرێژی سێکسی” لە سێدارە دراوه، هەروەها بەندکراوێک بە ناوی “موستەفا مۆلایی” و بەندکراوێکی بەلووچ بە ناوی “محەممەد بامری ” تەمەن ٣٦ ساڵ، به تۆمه‌تی كوشتنی به ئه‌نقه‌ست له زیندانه‌كانی خۆڕەم ئاوا و كه‌هنووج ئێعدام کراون. له زیندانی به‌نده‌رعه‌باس، به‌ندكراوێكی ئه‌فغانستانی خوداڕه‌حیم پوپلزهی به تۆمه‌تی په‌یوه‌ندیدار به مادده‌ی هۆشبه‌ر به‌بێ ئاگاداری بنه‌ماڵه‌كه‌ی له سێداره دراوه.
