ڕۆژی شه‌ممه ١٥ی به‌فرانبار، شۆفێرانی تاكه‌سی شارستانی خۆی كه موسافیر بۆ شاری وان ده‌گوازنه‌وه دژ به بڕیاری ده‌وڵه‌تی توركیه بۆ دانانی باج له‌سه‌ر باكی به‌نزینی ئۆتۆمبێله‌كان ده‌ستیان له كار كێشا و مانیان گرت.
ماوه‌ی پێنج ڕۆژه ده‌یان بارهه‌ڵگری ئێرانی له سنووری توركیا گیریان خواردووه و به‌رپرسانی ڕژیم بایه‌خیان پێ ناده‌ن. ده‌وڵه‌تی توركیا به تازه‌زیی باجی له‌سه‌ر باكی سووته‌مه‌نی بارهه‌ڵگر و سه‌وارییه‌كانی ئێران داناوه، به‌و بۆنه‌وه به ده‌یان كامیۆن له سنووری توركیا و له نێو به‌فر و به‌سته‌ڵه‌كدا گیریان خوادووه. ڕۆژی شه‌ممه، تاكسییه‌كانی شاری خۆی په‌یوه‌ست به مانگرتنی كامیۆنداران بوون و داوایان كرد كێشه‌كه‌یان له‌لایه‌ن ده‌وڵه‌ته‌وه چاره‌سه‌ر بكرێت.