كرێكارانی شاغڵ له كارخانه‌ی وه‌به‌رهێنانی سیسته‌می سه‌نعه‌تی تاكستان، ڕۆژی چوارشه‌ممه ١٤ی سه‌رماوه‌ز، له ناڕه‌زایه‌تی به نه‌دانی داخوازییه‌كانیان ده‌ستیان له كار كێشا و مانیان گرت.
به وته‌ی كرێكارانی ناڕازین ماوه‌ی دوو مانگه حه‌قده‌ستیان وه‌ر نه‌گرتووه و خاوه‌نكار ماوه‌ی شه‌ش مانگه حه‌قی بیمه‌كانیانی به ڕێكخراوی ته‌ئمیین ئیجتیماعی په‌رداخت نه‌كردووه. به‌هۆی نه‌دانی حه‌قده‌ست و بیمه، كرێكارانی ئه‌و ناوه‌نده سه‌نعه‌تییه تووشی كێشه‌ی ده‌رمانی و مه‌عیشه‌تی بوون، به‌ڵام خاوه‌نكار و به‌رپرسانی ئوستانی قه‌زوێن هیچ سه‌رنجیان به دا كێشه و گرفته‌كانیان نه‌داوه.