به‌یانی دووشه‌ممه ٧ی خه‌زه‌ڵوه‌ری ١٤٠٣، بڕوانامه‌ی كۆتایی خولی په‌روه‌رده‌ی ڕێنووسی كوردی له‌لایه‌ن ئه‌نجومه‌نی نۆژینی بانه به فێرخوازان به‌خشرا.
ئه‌نجومه‌نی نۆژینی بانه یه‌كێك له ڕێكخراوه مه‌ده‌نییه چالاكه‌كانی شاری بانه و كوردستانه كه ده‌ور و نه‌خشێكی گه‌وره‌ی له ئاگاداركردنه‌وه‌ی خه‌ڵك و پێدانی زانیاری له‌سه‌ر گرینگی ژینگه و به‌هاكانی كۆمه‌ڵگا به قوتابیان و خوێندكاران هه‌یه. ئه‌و ڕێكخراوه‌یه هه‌موو جارێك خولێكی نوێی فێربوونی زمانی كوردی بۆ قوتابیان و خه‌ڵكی بانه داده‌نێت و سه‌ره‌نج ده‌خاته سه‌ر ده‌وڵه‌مه‌نی زمانی دایكی و پاراستنی. به‌شداری به‌رینی قوتابیان و خوێندكاران له خوله‌كانی فێربوونی ڕێنووسی كوردی نیشانه‌ی متمانه‌ی خه‌ڵكه‌ی بانه‌یه به ڕێكخراوی نۆژین و ئه‌و تیكۆشانه‌ی بۆ درووستكردنی كۆمه‌ڵگایه‌كی پێشكه‌وتوو ده‌یكات.