17
بەپێی ڕاپۆرتەکان، سۆهەیلا حیجاب، ژنە بەندکراوی سیاسیی کورد و یەکێک لە دەستبەسەرکراوانی ناڕەزایەتییەکانی مانگی بەفرانبار، پاش تێپەڕبوونی زیاتر لە پێنج مانگ لە دەستبەسەرکرانی، مەترسیی سەپاندنی حوکمی قورسی قەزایی لەسەرە.
بەپێی دوایین زانیارییەکان، ناوبراو کە ئێستا لە بەندیخانەی کەچوویی کەرەج ڕاگیراوە، لە ڕەوتی دادگاییدا لە یەکێک لە لقەکانی دادگای ڕێژیم لە فەردیسی کەرەج، بە سەرۆکایەتیی محەممەدپوور، بە چەند تۆمەتی وەک “هەوڵدان بۆ تێکدانی ئەمنیەتی وڵات“، “سازکردنی گروپ” و “لیدری خۆپیشاندانەکانی مانگی بەفرانبار” تۆمەتبار کراوە. بە وتەی سەرچاوەکانی هەواڵ، ناوبراو لە سەرتای دەستبەسەرکرانی تا کوو ئێستا لە مافی دەستڕاگەیشتن بە پارێزەری سەربەخۆ و هەروەها پەیوەندی و چاوپێکەوتن لەگەڵ بنەماڵەکەی بێبەش کراوە.
