ڕۆژی یه‌كشه‌ممه ٤ی سه‌رماوه‌ز، بازاڕیانی شاری كاشان له ئاست بڕانی به‌رده‌وامی كاره‌با ناڕه‌زایه‌تیان ده‌ربڕی و له ناوه‌ندی بازاڕ دا كۆبوونه‌وه.
به وته‌ی بازاڕیانی ناڕازی، بڕانی به‌رده‌وامی كاره‌با زیانێكی زۆری لێ داون و وێڕای نه‌بوونی به‌رق، نرخی قه‌بزه‌كانیان چه‌ند هێنده چووه‌ته سه‌ره‌وه. ڕۆژی ڕابردووش ده‌زگای هه‌واڵنێری ته‌سنیمی سه‌ر به سپای پاسداران ڕایگه‌یاندبوو كه نرخی به‌رق بۆ جارێكی دیكه به‌رز ده‌بێته‌وه و له مانگی داهاتوودا پاره‌ی مه‌سره‌فی سووته‌مه‌نی له وزه‌خانه‌كان ده‌خرێته سه‌ر قه‌بزی شارومه‌ندان و خاوه‌ن كارگه‌كان.