50
ڕۆژی هه‌ینی ١٧ خاكه‌لێوه، ژنانی كرێكاری شاغڵ له سه‌نعه‌تی جل و به‌رگی به‌نگلادش بۆ جارێكی دیكه دژبه نه‌دانی حه‌قده‌ست دواخراه‌كان و په‌رداخت نه‌كردنی پاداش و جێژنانه‌ی كۆتایی ساڵ خۆپێشاندانیان كرد.
به‌پێی ڕاپۆرته‌كان، سه‌دان كرێكار له ژێر ئاڵای فدراسیۆنی كرێكارانی پووشاكی به‌نگلادش له شاری داكا خۆپێشاندانیان كردووه و به كۆبوونه‌وه له‌به‌رده‌م فه‌رمانداری خوازیاری پێدانی حه‌قده‌ستی دواخراو، هه‌روه‌ها پاداش و جێژنانه‌ی كۆتایی ساڵ بوون. ئیتحادییه‌ی كرێكارانی سه‌نعه‌تی پووشاكی به‌نگلادش هۆشداری داوه‌ته ده‌وڵه‌ت كه ئه‌گه‌ر داخوازییه‌كانیان جێبه‌جێ نه‌كرێت، ئه‌وه له سه‌رانسه‌ری وڵات مانگرتنی سه‌رتاسه‌ری به‌ڕێوه ده‌به‌ن.
