ڕۆژی هه‌ینی ١٨ی جۆزه‌ردان، كرێكارانی شاغڵ له كارخانه‌ی كیش چووب له پارێزگای هۆرمۆزگان، له ئاست نه‌دانی داخوازییه‌كانیان ناڕه‌زایه‌تیان ده‌ربڕی.
به پێی زانیارییه‌كان، كرێكارانی شاغڵ له كارخانه‌ی كیش چووب ماوه‌ی سێ مانگ حه‌قده‌ستیان وه‌ر نه‌گرتوو و به‌هۆی په‌رداخت نه‌كردنی حه‌قی بیمه‌كانیان به ڕێكخراوی ته‌ئمیین ئیجتیماعی، تووشی كیشه‌ی ده‌رمانی بوون. كرێكاران ده‌ڵێن: خاوه‌نكار چه‌ندین پڕۆژه‌ی گرینگی ئه‌نجام داوه و پاره‌ی هه‌یه، به‌ڵام به بیانووی نه‌بوونی سه‌رچاوه‌ی دارایی داخوازیی كرێكاران نادات.