جووتیارانی گەنمکاری شارستانی بیجاڕ بەهۆی دواکەوتنی حەوت مانگەی پارەی گەنم و لێبڕینی بەشێک لە شایستە داراییەکانیان، ناڕەزایەتییان دەربڕی.
بە گوتەی جووتیارانی ناڕازی، نەخوازەڵا داواکارییە داراییەکانیان لە کاتی خۆیدا نەدراوەتەوە، بەڵکوو بە پێچەوانەی بەڵێنەکانی بەرپرسان، نزیکەی لە سەدا سێی بڕە پارەی پێشبینیکراویشیان لێ کەم کراوەتەوە. هەروەها جووتیاران ناڕازین لەوەی کە هیچ قەرەبوویەک بۆ زیانی ئەم دواکەوتنە چەند مانگەیەی پێدانی پارەکەیان دیاری نەکراوە.