هەزاران خوێندکاری برزیلی بە ئەنجامدانی ڕێپێوانێک لە ناوەندی شاری ڕیۆدۆژانیڕۆ، دژ بە ئەگەری گەڕانەوەی ڕاستیی توندڕەو بۆ دەسەڵات و کاریگەرییەکانی لەسەر دیموکراسی، سەروەریی ئابووری و مافەکانی کرێکاران و چینە کەم داهاتەکان ناڕەزایەتییان دەربڕیوە.
خوێندکاران دژ بە ئەگەری سەرکەوتنی کاندیدی ڕاستیی توندڕەو لە خولی دووەمی هەڵبژاردنی سەرۆکایەتیی وڵات دروشمیان داوە. ئەم ناڕەزایەتییانە لە کاتێکدا ئەنجام دراون کە ئەنجامی خولی یەکەمی هەڵبژاردن، ڕکابەریی خولی دووەمی نزیکتر کردووەتەوە. بزووتنەوە کرێکاری و کۆمەڵایەتییەکان نیگەرانی ئەوەن کە گۆڕینی ئاراستەی سیاسەتە ئابوورییەکان ببێتە هۆی کەمکردنەوەی پشتیوانییە کۆمەڵایەتییەکان و لاوازکردنی پێگەی هێزی کار.