ڕۆژی دووشەممە ٢٧ی گەلاوێژ، خەڵکی شاری مەهاباد لە شەقامێکی ئەو شارە دژ بە پچڕانی بەردەوامی کارەبا کۆبوونەوە و ناڕەزایەتییان دەربڕی.
ناڕازیان بە وتنەوەی درووشم و داخستنی شەقامی “ئەسغەری” شاری مەهاباد، خوازیاری وڵامدانەوەی بەرپرسان لە ئاست نەبوونی ئاو و کارەبا بوون. جێگای ئاماژەیە لە لایەن کۆماری ئیسلامییەوە سەرچاوە ئاوییەکانی کوردستان بۆ پارێزگاکانی دیکە دەگوازرێنەوە و بە تاڵان دەبرێن.