14
بەپێی دوایین ڕاپۆرتەکان، کرێکارانی شاغڵ لە شیرکەتی دەریایی ئیران سەدرا، دژ بە خراپی دۆخی ژیان و مەعیشەتیان ناڕەزایەتییان دەربڕیوە.
بە وتەس سەرچاوە ئاگادارەکان، کرێکارانی ئەو شیرکەتە بۆ ماوەی چەندین مانگە مافی بیمەکانیان پێ نەدراوە و تەنانەت لە لایەن بەرپرسانی شیرکەتەوە وڵامی ناڕەزایەتییەکانیان نادرێتەوە. لە هەمان کاتدا ناڕازیان ئاماژەیان بەوە کردووە کە لە لایەن حراسەتی شیرکەتەوە هەڕەشەیانلێ کراوە کە پێویستە کۆتایی بە ناڕەزایەتییەکانیان بهێنن و لە ئەگەری بەردەوامی ناڕەزایەتییەکاندا، ڕووبەڕووی حوکمی قەزایی دەبنەوە.
