بەپێی دوایین ڕاپۆرتەکان، کەشتییەکی بارهەڵگری بریتانیایی لە لایەن هێزە دەریاییەکانی کۆماری ئیسلامییەوە کراوەتە ئامانج و نوقم کراوە.
بە وتەی دەستەی کارگێری بازرگانیی دەریایی بریتانیا، کەشتییەکی بارهەڵگر لە گەرووی هورمز ڕووبەڕووی هێرشێک بووەتەوە و بەهۆی پێکرانی بە مووشەکێکی نەناسراو، ئاگری گرتووە. بەپێی ڕاپۆرتە بڵاوکراوەکان، قەبارەی زیانەکان هێشتا دیاری نەکراوە، بەڵام لێکۆڵینەوە لەسەر ڕووداوەکە بەردەوامە و هەموو ئەندامانی ناو کەشتییەکە سەڵامەتن. شایانی باسە کە ئەم ڕووداوە لە کاتێکدا ڕوویداوە کە لە سەرەتای چڕبوونەوەی دۆخی سەربازی لە ناوچەکە، سوپای پاسداران گەرووی هورمزی داخستووە و ڕێگە بە زۆربەی کەشتییە بازرگانییەکان نادات کە لەو ڕێرەوەوە تێپەڕبن. بەپێی ڕاپۆرتەکان، لە ماوەی ١٢ ڕۆژی ڕابردوودا ژمارەیەک کەشتیی بازرگانی لەلایەن سوپای پاسدارانەوە کراونەتە ئامانج و زیانێکی زۆریان بەرکەوتووە.