ڕۆژی هه‌ینی ٢٤ی خاكه‌لێوه، پۆلیسی ئه‌ماکنی كرماشان ڕستوورانێكیان به بیانووی هه‌نجارشكێنی پۆلۆمپ كرد.
به‌وته‌ی چالاكانی مه‌ده‌نی، پۆلیسی ئه‌ماكنی كرماشان له‌سه‌ر فه‌رمانی ده‌زگای قه‌زایی، رستوورانێكی له یه‌كێك له شه‌قامه‌كانی ئه‌و شاره به بیانووی بڵاوكردنی مۆسیقا و تۆڕدانی حیجابی ئیجباری له‌لایه‌ن مشته‌رییه‌كانیه‌وه پۆلۆمپ كردووه. پێشتر و له شاره‌كانی ئه‌راك، تاران، مه‌شهه‌د، سنه، كاشان،ئیسفه‌هان، به‌نده‌رعه‌باس و هه‌تد ده‌یان كافه، هۆتێل و ڕستووران به هه‌مان بیانوو له‌لایه‌ن ده‌زگای سه‌ركوتگه‌ری قه‌زایی پۆلۆمپ كرابوون.