ڕۆژی پێنجشه‌ممه ١٦ی خاكه‌لێوه، ئه‌ندامانی ئه‌نجومه‌نی سه‌وزی چیای مه‌ریوان و كۆمه‌ڵێك له ژینگه‌دۆستانی ئه‌و شاره، چالاكی ژینگه‌ییان له ناوچه‌ی قه‌ڵا ئه‌نجام دا.
به‌پێی ڕاپۆرته‌كان، ئه‌نجومه‌نی سه‌وزی چیای مه‌ریوان و ژینگه‌دۆستانی ئه‌و شاره ٦٠٠ نه‌مامیان له ناوچه‌ی قه‌ڵا چاندووه و داویان له خه‌ڵكی كوردستان كردووه كه هاوڕێ له‌گه‌ڵ منداڵه‌كانیان له وه‌رزی به‌هار دا به چاندنی نه‌مام ڕێز له سرووشتی نیشتمان بگرن.