قه‌رارگای خاته‌مۆلئه‌نبیای سه‌ر به سپای پاسداران بڕی ٢٥٠ ملیارد تمه‌ن بودجه‌ی ده‌وڵه‌تی بۆ پڕۆژه‌ی ئاوه‌ڕۆی پارێزگای خووزستان وه‌رگرتووه، به‌ڵام پاره‌كه دزراوه و ماوه‌ی ١٠ ساڵه ئه‌و پڕۆژه‌یه ڕاگیراوه و ته‌نیا كێشه و گرفتی بۆ خه‌ڵك ساز كردووه.
خووزستان پایته‌ختی نه‌وت، گاز و پترۆشیمی ئێرانه به‌ڵام دانیشتووانه‌كه‌ی له هه‌ژاری و بێ ئیمكاناتیدا ده‌ژین. ماوه‌ی ده ساڵه پڕۆژه‌ی ئاوه‌ڕۆی ئوستانی خووزستان كراوه‌ته‌وه به‌ڵام هیچ كارێكی كارشناسی ئه‌نجام نه‌دراوه و ئاوی خواردنه‌وه و ئاوه‌ڕۆی شاره‌كانی ئه‌و پارێزگایه تێكه‌ڵ بووه و دانیشتووانی ١٣ ناوچه‌ی ئه‌هواز تووشی نه‌خۆشی هێپاتیت بوون. قه‌رارگای خاته‌مۆڵئه‌نبیا به‌رپرسیاره‌تی ئه‌و پڕۆژه‌ی له ئه‌ستۆ گرتووه و ته‌واوی بودجه‌كه‌ی ده‌زیوه، ته‌نانه‌ت كاناڵی ئاوه‌ڕۆكانه‌ی ئابادانیش خاوێن نه‌كراوه‌ته‌وه و كۆڵان و شه‌قامه‌كانی شاره‌كانی خووزستان به گشتی له كاتی باران بارین دا ده‌یێته ده‌ریاچه‌یه‌ك له پاشماوه‌ی ماڵان و منداڵان تێدا یاری ده‌كه‌ن. بۆنی پیس و هه‌بوونی هه‌موو جۆره بوونه‌وه‌رێك له ده‌ورووبه‌ری چاڵاوه‌كان، ده‌یان جۆر نه‌خۆشی پێستی له نێو خه‌ڵكدا بڵاو كردۆته‌وه و دانیشتووانی ئه‌و پارێزگایه به‌ده‌ست نه‌خۆشیه‌كانی ڕووده، گه‌ده، سیییه‌كان، گورچیله و مه‌سانه ده‌ناڵن. كرێكارانی شاغڵ له شاره‌دارییه‌كانی ئه‌هوازیش ته‌نیا دوو بۆ سێ ملیۆن تمه‌ن وه‌رده‌گرن تاكوو بێ ئیمكانات ئاوه‌ڕۆی كۆڵانه‌كان پاك بكه‌نه‌وه.