به‌پێی هه‌واڵی گه‌یشتوو، ڕۆژی یه‌كشه‌ممه ٤ی خه‌رمانان، هێزه‌كانی گه‌شتی ئێرشادی كرماشان ژنێكیان له شه‌قامی ئیمام حسێن به توندووتیژییه‌وه ده‌ستبه‌سه‌ر كردووه.
به وته‌ی سه‌رچاوه‌كانی هه‌واڵ، حیجاببانه‌كانی ڕژیم له ده‌ورووبه‌ری شارۆچكه‌ی نه‌جه‌فی كرماشان هێرشیان كردووه‌ته سه‌ر ژنێكی دژبه‌ری باڵاپۆشی زۆره‌ملێ و كاتێك وڵامی هه‌ڕه‌شه‌كانیانی نه‌داوه‌ته‌وه، به توندووتیژییه‌وه ده‌ستبه‌سه‌ر كراوه. به‌پێی زانیارییه‌كان، چه‌ند كه‌س به‌رگرییان له‌و ژنه كردووه به‌ڵام هێزه‌كانی ڕژیم به چه‌ك هه‌ڕه‌شه‌یان له خه‌ڵك كردووه و هه‌ڵهاتوون.