بەپێی ڕاپۆرتەکان، لە درێژەی هێرشە ئاسمانییەکان بۆ سەر پێگەکانی کۆماری ئیسلامی لە شاری بۆکان، مەلا عەباس ئەحمەدی ئیمام جومعەی ئەم شارە کوژراوە.
بەپێی زانیاریی سەرچاوە ناوخۆییەکان، هێرشەکە بەیانی چوارشەممە ١٣ی ڕەشەمە لە کاتی بۆمبارانکردنی هەندێک ناوەندی پەیوەندیدار بە دەزگاکانی ڕژیم لە ناوچەی ناوەندی شار ڕوویداوە. بەپێی ئەو ڕاپۆرتانە، لە ئەنجامی تەقینەوەکاندا چەند شوێنێکی پەیوەندیدار بە دامەزراوە حکومییەکان زیانیان پێ گەیشتووە. هەروەها بەپێی زانیارییەکان، لە ماوەی ئەم هێرشەدا ژمارەیەک هاووڵاتی لە دەوروبەری شوێنی تەقینەوەکان بریندار بوون و بۆ ناوەندە تەندروستییەکان ڕاگوێزراون.