2
ڕۆژی سێشەممە ١٥ی خه‌زه‌ڵوه‌ر، هێزەکانی پاسەوانی سنوور لە شاری خاش بەبێ ئاگادارکردنەوەی پێشوەختە تەقەیان لە ئۆتۆمبیلیی سووختبەرێک کردووە و شۆفێری ئۆتۆمبیلەکە گیانی لەدەستداوە.
بەپێی ڕاپۆرتی حال وەش، پاسەوانانی سنوور لە دەڤەری رووتەکی سه‌ر به شاری خاش، بۆسەیان بۆ سووختبه‌ران دانا و بەبێ ئاگادارکردنەوەی پێشوەختە ڕاستەوخۆ تەقەیان لێ کردوون. له ئه‌نجامی ئه‌و هێرشه‌دا، سووختبه‌رێك به ناوی “عامر ناتۆزهی” ته‌مه‌ن ٢٣ ساڵ، خێزاندار و خه‌ڵكی سه‌راوان گیانی له‌ده‌ست داوه.
