ئاکسیۆنی “شەممەی ناڕەزایەتییەکان” لە شاری کۆڵن لە وەڵامی بانگەوازی کەمپەینی ئازادی کرێکاران و چالاکانی مافی مرۆڤی ئێران بەڕێوەچوو.
لەو کۆبوونەوەیەدا، کۆمەڵێک لە چالاکانی سیاسی و مەدەنی بە ئامادەبوونیان لە شەقامەکان، هاوسۆزی خۆیان بۆ خەباتی گەلی ئێران دەربڕی. بەشداربووانی کۆبوونەوەکە جەختیان لەسەر پێویستی فراوانکردنی هاوپشتی نێودەوڵەتی بۆ پشتگیریکردن لە خەڵکی ئێران کردەوە. هەروەها بە لەبەرچاوگرتنی باری سەرکوت لە ناوخۆی وڵات، داوای ئازادکردنی دەستبەجێ و بێ مەرجی هەموو زیندانیانی سیاسی و هەروەها ڕاگرتنی سزاکانی لەسێدارەدان کرد.