ڕۆژی دووشەممە 11ی جۆزەردانی 1405ی هەتاوی، خانەنشینکراوانی تەئمینی ئیجتماعی لە شارەکانی شوش، تاران و ڕەشت، دژ بە خراپی دۆخی ژیان و مەعیشەتیان ناڕەزایەتییان دەربڕی.
بەشداربووانی کۆبوونەوەکان بە وتنەوەی درووشم دژ بە دەسەڵاتی گەندەڵی ڕژیمی کۆماری ئیسلامی و هەروەها بەرزکردنەوەی پلاکارد، خوازیاری پێدانی حەقدەست و مەزایا دواخراوەکان، دابین کردنی بیمەی دەرمانی کارامە، بایەخ دانی ڕژیم بە ژیان و مەعیشەتی کرێکاران و هەروەها کۆتایی هاتنی گوشاری ناوەندە ئەمنیەکان بۆ سەر خانەنشینکراوانی ناڕازی بوون.