ڕۆژی چوارشەممە ٢٧ی جۆزەردانی ١٤٠٥ی هەتاوی، ژمارەیەک لە جووتیاران و هاووڵاتیانی دانیشتووی شارستانەکانی گەرمسار و ئارادان، دژ بە چارەسەر نەکردنی کێشەی نەبوونی ئاو بۆ کشتوکاڵ، ناڕەزایەتییان دەربڕی.
بەپێی دوایین زانیارییەکان، ناڕازییەکان ڕایانگەیاندووە کە کەمی ئاو، سنووردارکردنی دابینکردنی مافی ئاو بۆ کشتوکاڵ و بەردەوامی وشکەساڵی، ژیانی ڕۆژانە و کاری کشتوکاڵییان تووشی کێشەی گەورە کردووە. بە وتەی بەشداربووانی کۆبوونەوەکە، کەمبوونەوەی دەستڕاگەیشتن بە سەرچاوەکانی ئاو، جگە لە کاریگەری لەسەر بەرهەمی کشتوکاڵی و داهاتی خێزانە گوندنشینەکان، نیگەرانییەکی بەرفراوانی لەسەر داهاتووی ژیان و گوزەرانی دانیشتووانی ناوچەکە دروست کردووە.