14
ڕۆژی دووشەممە ١ی پووشپەڕ، ژمارەیەک لە خانەنشینکراوانی موخابرات لە شاری سنە دژ بە خراپی دۆخی ژیان و مەعیشەتیان کۆبوونەوە.
بەپێی دوایین زانیارییەکان، خانەنشینکراوانی ناڕازی ئاماژە بەوە دەکەن کە بە هۆی بایەخ نەدانی ڕژیمی کۆماری ئیسلامی بە دۆخی ژیانی خانەنشینکراوان و هەروەها لە سەرەوە بوونی ڕێژەی هەڵاوسان، لە دۆخێکی زۆر خراپدا دەژین و تەنانەت توانای دابین کردنی سەرەتاییترین پێداویستییەکانی ژیانی بنەماڵەکانیان نییە. لە درێژەی ناڕەزایەتییەکەدا، خانەنشینکراوان خوازیاری بەرزکردنەوەی ئاستی حەقدەست بەپێی ڕێژەی هەڵاوسان، دابین کردنی بیمەی دەرمانی کارامە و هەروەها کۆتایی هاتنی گوشاری ناوەندە ئەمنیەکانی ڕژیم لە سەر خانەنشینکراوانی ناڕازی بوون.
